Mae campyrfan binc enwog Sherman Cymru yn chwilio am gartref newydd. Mae’r cerbyd wedi bod yn teithio Cymru tra bod y cwmni’n aros i’w hadeilad newydd gael ei gwblhau. Agorodd adeilad newydd Sherman Cymru yn Chwefror yn dilyn gwaith ailwampio o £6.5 miliwn. Er mwyn dechrau'r ymgyrch codi arian, ddyfarnwyd y Cyngor Celfyddydau Cymru rhoi 75% o'r arian sydd ei angen i gychwyn y prosiect ailddatblygu i Sherman Cymru. Cafodd tu mewn a thu allan yr adeilad eu hadnewyddu’n llwyr. Yn ystod y cyfnod yma bu i Sherman Cymru barhau i gynhyrchu sioeau gan deithio i amryfal leoliadau ledled Cymru a’r DU, gan hefyd drawsnewid rhai lleoliadau anghyffredin yng Nghaerdydd yn llwyfannau theatrig. Dywedodd Emma Goad, Pennaeth Datblygu Sherman Cymru: “Mae campyrfan Binc Sherman Cymru wedi bod yn arf marchnata rhagorol yn ystod y cyfnod bu’r adeilad ar gau. ‘Roeddem yn awyddus i wneud rhywbeth oedd yn cyd-fynd â’r ffaith ein bod yn ddigartref ac yn teithio’r strydoedd. Y campyrfan oedd ein heicon tra oeddem allan o’r adeilad. ‘Roedd i’w gweld ym mhob un o’n sioeau, ac mewn digwyddiadau codi arian.” Daeth y campyrfan, sy’n 25 mlwydd oed, o Affrica yn wreiddiol. Mae mewn cyflwr da iawn, ac yn ystod y ddwy flynedd ddiwethaf mae injan wedi ei hadnewyddu wedi ei gosod ynddi. Ers 2010 mae brand Sherman Cymru wedi bod yn amlwg ar ei hochr, ac mae’n gymeriad eiconig yn y brifddinas. Mae Suzanne Carter, Rheolwr PR ac Ymgyrchoedd Sherman Cymru yn gyrru’r fan binc o amgylch Caerdydd yn rheolaidd. Dywedodd Suzanne: “’Rydym wedi cael ymateb da iawn gan ein cynulleidfaoedd a’n cefnogwyr sy’n adnabod y campyrfan pan maent yn ei gweld hwnt ac yma. Byddai pobl yn canu corn, yn codi llaw, hyd yn oed yn tynnu lluniau. ‘Rydym wedi cael lot o sylw yn y cyfryngau cymdeithasol, a bydd yn drist ei gweld yn mynd, ond erbyn hyn ‘rydym yn ôl yn yr adeilad ac mae angen cartref newydd ar y fan.” Bydd Sherman Cymru yn gwerthu’r campyrfan binc ar ebay gan gychwyn ar ddydd Sul 17 Mehefin am 7 diwrnod (http://myworld.ebay.co.uk/shermancymru/). Mae yna gronfa o £9,000 Bydd y campyrfan yn cael ei gwerthu heb frand Sherman Cymru arni, ond bydd yn dal i fod yn binc llachar. Edrychwch ar wefan ebay i weld rhestr o’r telerau ac amodau ar gyfer cynnig amdani. |
| web site: myworld.ebay.co.uk/shermancymru/ |
| e-mail: |
Wednesday, June 13, 2012 |
Older news
stories have been carefully archived.
2006 | 2005 | 2004 | 2003 | 2002 | 2001 | 2000 | 1999