|
Llwyfannu’r sioe boblogaidd i blant Grandpa in My Pocket am y tro cyntaf |
Bydd ffans ifanc rhaglen deledu boblogaidd CBeebies Grandpa in My Pocket yn falch o wybod ei bod yn cael ei llwyfannu am y tro cyntaf mewn sioe newydd, Grandpa in My Pocket – Teamwork! yn y Theatre Newydd, Caerdydd o ddydd Iau 4 i ddydd Sul 7 Gorffennaf. Mae Jason a Jemima yn mynd ar antur i chwilio am drysorau gyda Sunnysands y Môr-leidr a Horatio Heave Ho. Ond pan fod pethau’n mynd o chwith, mae’n bryd i Grandpa achub y dydd. Mae Grandpa in My Pocket – Teamwork! yn stori newydd sbon a adroddir gan gast ensemble ifanc sy’n cyfleu eich hoff gymeriadau a lleoedd mewn ffordd fywiog. Dywed yr actor sy’n chwarae rhan Jason, Javan Hughes, y byddai’n sefydlu cyrchfan sgïo fechan yn ei rewgell petai’n mynd yn fach am ddiwrnod! Aelodau eraill y cast yw Ebony Feare (Miss Smiley/Jemima), Lizzie Franks (Mum/Great Aunt Loretta), Robin Simpson (Grandpa/Mr Whoops), Dave Superville (Horatio) a Sam Worboys (Dad/Mr Mentor/Mr Liker Biker). Dywed awduron y sioe Mellie Buse a Jan Page “Roedd y sioe theatr yn gyfle i ni adrodd stori ‘Grandpa’ na fyddai’n bosibl i ni ei hadrodd ar y teledu oherwydd ei gyfyngiadau. Mae’r hud a lledrith yn dal i fod yno ond hud theatraidd ydyw, ac, yn ddiddorol iawn, mae’r math hwn o hud yn atyniadol iawn i blant gan mai dyma’r math o hud y gallant ei ddynwared eu hunain.” Mae Nottingham Playhouse wedi cynhyrchu sioe a fydd yn swyno cynulleidfaoedd ac yn eu cynnwys drwy dechneg adrodd stori ensemble, caneuon, dawns, pypedau a rhyngweithio â’r gynulleidfa. Mae Grandpa in My Pocket ymhlith sioeau mwyaf poblogaidd CBeebies a werthwyd i dros 100 o wledydd ledled y byd. Wedi ei chynhyrchu a’i ffilmio’n rhannol yng Nghymru, cafodd dri enwebiad BAFTA ac enillodd wobr BAFTA Cymru am y Sioe Orau i Blant. Mae Grandpa in my Pocket – Teamwork! yn y Theatr Newydd o ddydd Iau 4 i ddydd Sul 7 Gorffennaf. 4+ oed. Mae'r tocynnau ar werth nawr gyda phrisiau’n amrywio o £8.50 i £14.50. I gael rhagor o fanylion am y sioe neu i archebu tocynnau* ewch i www.newtheatrecardiff.co.uk neu ffoniwch y Swyddfa Docynnau ar (029) 2087 8889. Rhaid talu cyfraniad ychwanegol o 50c ar bob tocyn tuag at wella seddi, a chodir tâl fach ychwanegol ar gyfer trafodion ar-lein Grandpa in my Pocket – Teamwork! Y Theatr Newydd, Caerdydd Dydd Iau 4 i ddydd Sul 7 Gorffennaf Dydd Iau 6.30pm; dydd Gwener a dydd Sadwrn 2.30pm a 6.30pm; dydd Sul 11.00am a 3.00pm Tocynnau: £8.50 - £14.50 Swyddfa Docynnau: 029 2087 8889 Archebu Ar-lein: www.newtheatrecardiff.co.uk |
| Y Theatr Newydd, Caerdydd web site: www.newtheatrecardiff.co.uk |
| e-mail: |
Tuesday, June 11, 2013 |
Older news
stories have been carefully archived.
2006 | 2005 | 2004 | 2003 | 2002 | 2001 | 2000 | 1999