Theatre in Wales

The latest theatre, dance and performance news

THE GRUFFALO YN Y THEATR NEWYDD     

THE GRUFFALO YN Y THEATR NEWYDD
Aeth llygoden am dro drwy’r goedwig dywyll, drwchus...

Mae hoff anghenfil pawb The Gruffalo yn dod yn ôl i Gaerdydd wrth i chi ddarllen hwn. O ddydd Iau 10 i ddydd Sul 13 Gorffennaf bydd y cynhyrchiad poblogaidd o’r llyfr lluniau byd-enwog gan Julia Donaldson ac Axel Scheffler yn diddanu cynulleidfaoedd gyda chaneuon, hwyl a dychryn!

Yn berffaith i blant dros 3 oed, mae The Gruffalo wedi cael adolygiadau hael iawn am y cymeriadau hoffus a’r stori glyfar. Mae’n adrodd hanes llygoden ddewr, sy’n mentro drwy’r goedwig dywyll i chwilio am gneuen brin. Daw ar draws nifer fawr o greaduriaid sydd am ei fwyta, ond mae stori'r Llygoden am fwystfil dychmygol, y Gruffalo, yn eu dychryn. Ond yn fuan, fel y gwyr plant y gynulleidfa, mae’r Llygoden ei hun yn cael sypreis enfawr wrth i freuddwydion droi’n realiti...

Mae’r perfformiad o The Gruffalo yn cydbwyso storia, cynnwys y gynulleidfa, cerddoriaeth a chomedi. Yn 55 munud o hyd, bydd y bwystfil o sioe hon yn difyrru plant ac oedolion o’r dechrau i’r diwedd, gan roi cyfle perffaith iddynt ddianc i fyd dychymyg.

Mae The Gruffalo yn y Theatr Newydd, Caerdydd o ddydd Iau 10 i ddydd Sul 13 Gorffennaf. Mae tocynnau ar werth nawr gyda phrisiau’n amrywio o £8.50 i £12.50. I gael rhagor o fanylion am y sioe neu i archebu tocynnau ewch i www.newtheatrecardiff.co.uk neu ffoniwch y Swyddfa Docynnau ar (029) 2087 8889.

*Codir ffi fechan am bob tocyn a werthir ar-lein

The Gruffalo
Y Theatr Newydd, Caerdydd
Dydd Iau 10 i ddydd Sul 13 Gorffennaf 2014
Dydd Iau 1.30pm; dydd Gwener i ddydd Sul 11.00am ac 1.30pm
Tocynnau: £8.50 - £12.50
Swyddfa Docynnau’r Theatr Newydd 029 2087 8889
Archebu ar-lein www.newtheatrecardiff.co.uk
New Theatre, Cardiff  
web site
: www.newtheatrecardiff.co.uk

e-mail:
Monday, June 23, 2014back

 

 

Older news stories have been carefully archived.
2006 | 2005 | 2004 | 2003 | 2002 | 2001 | 2000 | 1999

 

Privacy Policy | Contact Us | ©2013 keith morris / red snapper web designs / keith@artx.co.uk